Line Omland Eilevstjønn

Line Omland Eilevstjønn

Fødd: 1993

Frå: Åmot, Vinje i Telemark

No: Studerer sosialantropologi ved UiO.

Line Omland Eilevstjønn var nynorskpraktikant på kull 23, våren 2016. Ho hadde praksis i NRK Telemark, og fekk etterpå jobb som SoMe-ansvarleg for nettsatsinga i Vest-Telemar blad. Der arbeidde ho i eit år før ho hausten 2017 byrja studere sosialantropologi ved Universitetet i Oslo. Ho frilansar for vekebladet Kvinner og Klær – KK.

Slik skildrar Line Omland Eilvstjønn seg sjølv:

– Ein vinterdag tidleg på nittitalet pusta eg inn Telemarkslufta for fyrste gong. Ho var frisk og rein. Eg vaks opp i den vesle bygda Åmot i Vinje kommune, midtvegs langs E134, der fjellturane er rett utanfor døra di og du stort sett berre treffer kjentfolk på butikken.

Nynorsk har aldri vore noko anna enn naturleg for meg, og det at eg no har sjansen til å få bruka det med den største naturlegheit i yrkeslivet mitt er heilt supert. Som usikker 16-åring forelska eg meg i journalistikk då eg gjekk på vidaregåande i Seljord. Det var fantastisk å oppdage eit yrke der eg kvar dag kunne treffe spennande menneske og formidle historiane deira.

Etter vidaregåande har eg difor studert journalistikk ved Norges Kreative Høyskole i Oslo og ved Southampton Solent University i England, der eg våren 2015 fullførte bachelorgraden min. I tillegg til å skrive er eg glad i fotografi, illustrasjon, grafisk design, matlaging/-eting og latteranfall på tunge måndagsmorgonar.

Innlegg av Line Omland Eilevstjønn

Praktikantfilter

Eg var sjølv student før den førre regjeringserklæringa skulle signerast, og umåteleg skuffa då 11 månader med studiestønad ikkje inngjekk i Soria Moria II. Når alle partia som sit i regjering [...]
» Les meir

Den fyrste "ordentlege" saka

På vegen gjorde eg meg nokre tankar om korleis eg ville gjere det. Ved debattlokalet fann eg ein fyrstegongsveljar og ein debattant. Desse fekk eg fylgje både før, under og [...]
» Les meir

Kull 23

Line Omland Eilevstjønn (1993), frå Åmot, Vinje i Telemark

Kjersti Anderdal Bakken (1990), frå Gol i Hallingdal

Even Lusæter (1979), frå Heidal/ Vågå, Oppland

Elise Sundfør Erdal (1986), frå Tysvær i Rogaland

Thomas Brakstad (1989), frå Meland i Hordaland