13. juni 2018

Fast jobb i Språkrådet

Lars Ivar Nordal er tilsett som seniorrådgjevar, med ansvar for språk i kultur- og mediesektoren, i Språkrådet. Jobben går mellom anna ut på å følgje med på den språklege stoda i media, både når det gjeld nynorsk, men også tilhøvet mellom norsk og engelsk. – Det er spennande å få jobbe med språk på strategisk og politisk nivå. Dessutan trivest eg med å kunne fordjupe meg i saksfelt over tid, seier Nordal.

Nordal (1986) har arbeidd i Språkrådet sidan november 2016. Han var nynorskpraktikant på kull 19 i 2013/14 og arbeidde i NRK i nær tre år etterpå. Som programleiar, vaktsjef og produsent i fleire program i NRK P2 og NRK Møre og Romsdal. Han har mastergrad i operasong, musikk (Diplom Operngesang) frå Hochschule für Musik “Hanns Eisler”, Berlin. 

Du kan lese meir om bakgrunnen hans her