Kull 26 i ekstern praksis

Frå 2. mai til og med 30. juni er kull 26 i ekstern praksis. Aleksander Båtnes er i NRK Møre og Romsdal og Wibeke Bruland i NRK Finnmark. Snorre Sandemose har praksis i NRK Sogn og Fjordane, Sigrid Sørumgård Botheim i Kulturnytt i NRK P2 og Espen Breivik er i avdelinga for økonomi og politikk i NRK Nyhende. Fire av fem har per. no fått seg sommarjobb etterpå.

Kull 26 byrja i praksis i redaksjonen til NRK Sogn og Fjordane 7. mars, og arbeidde der til 28.april. Dei starta som nynorskpraktikantar 4. januar, og har fått opplæring i journalistikk, data, teknikk og nynorsk som mediespråk. Og dei har lært å arbeide på alle plattformer; nett, sosiale medium, radio og fjernsyn. – I redaksjonen i Førde får dei praktisert dette i samarbeid med røynde kollegaer, og dei kan spørje faglærarane til råds om det er hol i kunnskapen. Vi trur dei fem på kull 26 skal er godt skodde for både Alta, Ålesund, Førde og Oslo, seier Magni Øvrebotten, leiar for NRK Nynorsk mediesenter.