Anders Martin Helle

Anders Martin Helle

Fødd: 1994

Frå: Sogndal

No: Vikar i NRK Buskerud.

Anders Martin Helle var nynorskpraktikant på kull 28, frå 3. januar til 30. juni 2018. Han har ekstern praksis i NRK Buskerud og held fram der som vikar.

Helle har studert dokumentarfilm på Høgskulen i Innlandet med fordjuping i fototeknikk. Dokumentarane han har jobba med der fortel historier rundt tema som strekk seg frå kreft og rusomsorg til identitet og kreative uttrykksbehov. Gjennom ungdomstida var han instruktør for Danseverkstaden og Free Running-gruppa i Sogndal.

På fritida utanom praksisen produserer Anders Martin eit par podkast som har sparka i gong ei interesse for radio.

– Eg har fortalt historier frå eg som tiåring byrja å lage animasjonsfilmar inspirert av Flåklypa Grand Prix. Interessa festa seg raskt i filmmediet og eg enda opp med å studere dokumentarfilm i Lillehammer. No ynskjer eg å ta tak i dei nære, personlege og samfunnskritiske historiene og formidle dei gjennom journalistikken.